Pagbasura sa Visiting Forces Agreement nirerebisa na

MANILA, Philippines - Siniguro kahapon ng isang Malacanang official na sumasailalim na sa pag-aaral ang Visiting Forces Agreement (VFA) dahil na rin sa lumalawak na pana­ wa­gan para sa pagbasura nito.

Sinabi ni Executive Secretary Eduardo Er­mita, sumasailalim na sa automatic review ng Department of Foreign Affairs (DFA) ang VFA matapos na magdesisyon ang Korte Suprema kaug­nay sa legalidad nito.

Ayon kay Sec. Ermita, hindi maaaring balewa­lain ng Palasyo ang luma­lawak na panawagan para muling pag-aralan ito lalo na ang panawa­gang ibasura ang nasa­bing kasunduan.

Maging si Senate Pre­sident Juan Ponce Enrile ay pabor din na rebyuhin ang VFA habang hinika­yat naman ni Sen. Miriam Defensor-Santiago ang gob­yerno na kumuha ng international law expert upang repasuhin ang nasabing kansunduan.

Dumarami ang nana­nawagan na ibasura ang VFA lalo na kaugnay na rin sa custody ni Lance Corporal Daniel Smith na na-convict sa kasong rape subalit hanggang ngayon ay nasa custody pa rin ng US embassy sa kabila ng desis­yon ng High Tribunal na da­pat ang gobyerno ang may kustodiya dito. (Rudy Andal)