Veto sagot ni GMA sa bitay

Ipinahiwatig kaha­pon ng Malacañang na gaga­mitin ni Pangu­long Gloria Macapa­gal-Arroyo ang kan­yang veto power na, rito, hindi niya lalag­daan ang anumang panuka­lang-batas na bubuhay sa parusang bitay sa mga guma­gawa ng karumal-du­mal na krimen.

Sinabi ni Deputy Pre­sidential Spokesman Anthony Golez na mala­mang i-veto la­mang ni Pangulong Arroyo ang pagbuhay sa death penalty sakaling hindi mahi­kayat ng mga bagong argu­mento ang Pangulo.

Idiniin ni Golez na hindi nagbabago ang pa­ninindigan ni Gng. Arroyo katulad ng po­sisyon ng Simbahang Katoliko na tumututol sa panunum­balik ng parusang bitay.

“First of all, nais na­ting ipaalam sa lahat na yung desisyon na tang­galin ang death penalty ay may kadahilanan. Kung meron mang ibang haka-haka o ibang pagsusuri, we will welcome those studies to come up with a better solution,” paliwanag ni Go­lez.

Magugunita na ilang kongresista at senador ang nagna­nais na buha­yin ang death penalty dahil sa kontrobersyang nilikha ng tinaguriang Alabang Boys na na­unang nadakip sa bawal na gamot.