Arrest warrant sa scam witnesses binawi ni Gordon

Sinangkalan kaha­pon ni Sen. Richard Gordon, chairman ng Senate Blue Ribbon Committee, ang diwa ng Ka­ paskuhan sa pagbawi ng warrant of arrest la­ban kay Mari­tess Ayto­na, ang sina­sabing runner ni dating Agriculture under­se­cretary Jocelyn “Joc­joc” Bolante at ilang araw ding nakulong sa Senado.

Binawi rin ni Gordon maging ang warrant of arrest nina Julie Gre­gorio at Reden Antolin, presidente at bise presi­dente ng Feshan Philippines, at Leonicia Mar­co-Llanera.

Sinabi ni Gordon na ta­tanggalin niya ang arrest order laban sa mga nabanggit dahil nangako naman ang mga ito na muling si­sipot sa hearing ng komite na itinakda sa Enero 20, 2009.

 Bago matapos ang hearing, itinanggi nina Llanera at Aytona na kilala nila si Bolante.

Nakatakdang ipa­tawag sa susunod na hearing ang mga opis­yal ng board of directors ng National Organization for Agricultural En­hance­ment and Productivity Inc., isa sa mga nagpa­tu­pad ng fertilizer program.

Hiniling din ni Gordon sa mga opisyal ng Fes­han na dalhin sa susu­nod na hearing ang kani­lang libro ka­ugnay sa fer­tilizer na bi­nili sa kanila ng gob­yerno. (Malou Escudero)