Paputok bawal ibiyahe sa barko

Hindi pinapayagan ng Philippine Coast Guard (PCG) ang pagbibiyahe sa barko ng firecrackers at pyrotechnics kaya dapat umanong ireport ito saka­ling may lumalabag dito.

Ito ang ipinatutupad nga­­yon sa mga daungan dahil sa inaasahang pag­bibiyahe ng mga paputok na gagamitin ng mga taga-lala­wigan sa Kapaskuhan at pagsalubong sa Bagong Taon.

Gayunman, tiniyak ni PCG commandant Vice Admiral Wilfredo Tamayo na sakaling may special permit ang magbibiyahe ng mga paputok, papaya­gan lamang ito subalit hiwalay ito sa mga pasa­hero at sa cargo isasakay upang maiwasan ang accidental explosion na banta sa buhay ng mga pasahero.

Sa­kaling may makiki­tang pag­­labag o nagpapa­lusot nito, mag-report lamang sa DOTC hotline 7890, o sa PCG hotline 5278481.

Maaari ring magtext sa Coast Guard, 0917-PCG­DOTC o 0917­7245682. (Ludy Bermudo)