Baboy sa kapaskuhan 'wag pangambahan

Pinarating ng Bureau of Animal and Industry (BAI) ng Department of Agicul­ture (DA) na wa­lang dapat ipangamba ang mga meat lovers laluna ng karne ng baboy dahil ligtas pa ring ka­inin ang mga karneng ba­boy sa bansa ngayong pa­palapit ang Kapasku­han.

Nilinaw ni BAI Director Dave Catbagan na kung pumunta man sa bansa ang mga staff ng Food and Agriculture Organization ng United Nations ay kanila itong inimbitahan upang mag-imbestiga kung paano nahawa ang mga baboy sa Ebola Res­ton virus, na aniya’y na­pa­tunayan na­man na hindi nakakaapekto sa tao.

Bagamat ligtas sa tao, isolated na rin aniya ang mga baboy na apektado ng naturang virus sa Panga­sinan, Bulacan at Nueva Ecija, kaya’t wala umanong ikakabahala ang taumba­yan na bumili ng karneng baboy sa mga pamilihan.

Gayunman, pinaalala nito na kung mamimili ng karne sa mga palengke, wag kakalimutan na ting­nan ang tatak ng pagka­suri ng National Meat Inspection Service (NMIS) ng DA upang makatiyak na di makakalusot ang mga double dead na kar­ne na binebenta ng mga tiwaling magkakarne.

kailangan din anyang tingnan kung hindi ma­baho, kulay pinkish ang la­man, walang namu­muong dugo ang mga karne ng baboy upang makaiwas sa sakit. (Angie dela Cruz)