20-M mawawalan ng trabaho

Tiyak umanong tata­maan ang Pilipinong mang­gagawa sa tinata­yang 20-milyong mawawa­lan ng trabaho sa buong mundo.

Sa pahayag ng Mi­grante sa Tinapayan sa Dapitan, Sampaloc, ang datos ay nagmula sa inis­yung ulat ng International Labor Organization (ILO) noong Oktubre.

Ani Garry Martinez ng Migrante, masasapul dito ang mga OFW na pang-apat sa may pinakama­laking work force na nagta­trabaho sa iba’t-ibang panig ng mundo. Nangu­nguna dito ang India, China at ikatlo ang Mexico.

Sa oras na magsi-uwian sa Pilipinas ang mga OFW ay apektado rin ang remittance na inaasahan ng bansa na sumasalba umano sa ekonomiya ng Pilipinas.

Ang P14-bilyong remittance kada taon ng OFWs ang pag-asa umano ng bansa sa pagbabayad ng utang sa labas at gamit na collateral para sa tuluyang pag-utang.

Malayo umano ang halaga ng remittance ng OFWs kumpara sa P2-bilyon na nakokolekta mula sa foreign investments.