Unified contract sa OFWs inatras ng Saudi Embassy

Kasunod ng apela at pag-aksyon ni Senate President Manny Villar, hindi itinuloy ng embaha­da ng Saudi Arabia ang implementasyon ng kon­tro­bersyal na “unified con­tract” para sa mga OFW na patungo sa kanilang bansa.

Ipinabatid ito kay Villar ni Saudi Arabian Ambas­sador Mohammed Ameen Wali na tumawag sa tele­pono para sabihin na ipi­nagpaliban ang imple­men­­tasyon ng kanilang bagong patakaran na pa­iiralin na sana noong Set­yembre 1.

“Maganda itong bali- ta na tiyak na ikasisiya    ng ating mga overseas      wor­ker. Nagpapasalamat   ako kay Ambassador Mo­hammed Ameen Wali sa mabilis niyang aksyon at sa pagtugon sa ating apela,” ayon kay Villar, pangulo rin ng Naciona­lista Party.

Matatandaan na su­mulat at nakipag-ugna-yan si Villar sa em­ bahador upang hilingin na huwag ipatupad ang ba­gong pa­ta­karan dahil ma­aapek­tu­han ang libo-li­bong OFWs.

Nag­kasundo silang magtatayo muna ng panel na magsa­sagawa ng review kaug­nay sa na­sabing contract scheme lalo ang mga pro­bisyon na lubhang tinutu­tulan ng mga OFW’s at mga manpower recruit­ment agencies.

Ang embahador ng Saudi Arabia ay malapit na kaibigan ng Pangulo ng Senado. (Rudy Andal)