Survivor sa C-130 malabo pa

Nagsagawa na ng isang “search and rescue” operations ang Philippine Air Force (PAF) team sa karagatan ng Davao kung saan sinasabing bumag­sak ang isang C-130 cargo plane na may lulang da­lawang piloto at pitong crew nitong Lunes ilang minuto matapos magtake-off sa Davao airport.

Wala pang survivor ang nakukuha ng mga frogmen habang nakuha lamang ng mga rescuer ang upuan ng eroplano at maraming parte ng ka­ tawan ng tao ang nare­kober.

Lubha namang nahihi­rapan ang mga divers dahil ang bumagsak na erop­lano ay nasa 600-800 ta­lampakang lalim ng dagat o may 2.5 milyang layo sa southwest ng Samal island.

Ang kayang sisirin la­mang ng mga rescuers ay 200-300 talam­pakang lalim na lubhang malayo pa sa ilalim na bi­nagsakan ng nasabing eroplano.

Dahil dito, nanga­nga­ila­ngan pa ng mga submarine para ma-inspect o mahatak ang naturang eroplano. 

Dahil sa pagbagsak ng C-130 Hercules, pansa­man­talang sinuspinde ng PAF ang pagpapalipad ng kanilang natitirang C-130.

Inamin ni PAF chief Lt. Gen. Pedrito Cadungog na malaki ang epekto ng pag­bagsak ng C-130 sa operation ng PAF dahil ito ang gi­na­gamit ng PAF sa pag­dadala ng military troops sa mga lugar na may bak­bakan, pang-deliver ng cargo at iba pang relief goods sa mga lugar na sinalanta ng kala­midad.

Ayon naman kay PAF Spokesman Maj. Gerry Zamudio, malaking kawa­lan ang pagkawala ng C-130 sa mga misyong isi­nasagawa ng Air Force dahil tatlong C-130 na lamang ang natitirang eroplano at isa na lamang ang gumagana. (Ellen Fernando, Butch Queja­da/Joy Cantos)