Magpakahinahon sa MOA – Dureza

Iginiit kahapon ng Malacañang sa lahat ng sek­tor ng lipunan maging Kristiyano o Muslim, Lumad, govern­ment officials, civic leaders o mula sa judi­ciary na magpakahinahon sa Memorandum of Agreement on Ancestral Domain sa pagitan ng GRP-Moro Isla­mic Liberation Front (MILF) at tratu­hin ito na may sin­se­ridad.

“Let us not play around with peace. The alternative to peace is war. It is best that everyone Christians, Muslims, Lu­mads, government officials, leaders of civil society, Congress and those in the judiciary must all treat the pending issue with sobriety in circumspection and with abiding resolve that all must contribute to install peace in the land,” wika ni Press Secretary Jesus Dureza.

Hiniling din ni Dureza na ipaubaya na sa Korte Su­prema ang usapin at itigil na ang pagpapalaganap ng mga walang basehang espekulasyon na nagla­lagay sa kapayapaan ng Mindanao sa balag ng ala­nganin.

Aniya, mula noong maluklok si Pangulong Arroyo noong 2004 ay nakasentro na ito upang maresolba      ang suliranin sa Mindanao at nais niyang magkaroon na dito ng katahimikan at naniniwala ang Pangulo na ang MOA-AD ang magiging sagot dito.

At sa sandaling manaig na ang kapayapaan, ang kasunod nito ay ang pag-unlad. Hindi lamang ito para sa Mindanao kaya hindi umano natin dapat palag­pasin ang pagkakataon na matamo ang hinahanap na kapayapaan sa bansa, wika pa ni Dureza. 

“We are confident that media, a key player in incul­cating a culture of peace, will go beyond sound bites and catchy headline and become partners rather than impartial chroniclers or at worst critics of this effort,” paliwanag pa ni Dureza, dating kinatawan ng GRP sa peace talks. (Rudy Andal)