Botante sa ARMM poll baka dumalang

Nangangamba ang Commission on Elections  na konti ang boboto sa halalan sa Autonomous Region in Muslim Mindanao sa Lunes, Agosto 11.

Ito’y bunsod na rin ng pagkubkob ng mga miyembro ng Moro Islamic Liberation Front sa ilang barangay sa Cotabato.

Ayon kay Comelec Spokesman James Arthur Jimenez, ang nasabing insidente ay posibleng magdulot ng pagkatakot sa mga botante at maging dahilan upang tuluyan nang hindi bumoto ang mga ito sa nakatakdang eleksyon.

 Maaari rin anyang magresulta ito ng “failure of election” sa ilang lugar kung mabibigo ang mga botanteng makilahok sa eleksyon. (Doris Franche)