‘Totohanin ang pag-inhibit sa car smuggling probe’

Dapat umanong pa-nin­digan ni Sen. Juan Pon­ce Enrile ang pahayag na  mag-iinhibit sa im­ bes­ti­gasyon hinggil sa uma­no’y smug­gling sa Ca­ga­yan.

Ito ang ginawang ha­mon ni Senate Majority leader Francis “Kiko” Pa­ngilinan na humikayat pa kay Enrile na tuluyang huwag dumalo sa isasa­gawang pagdinig ng Se­nate Committee on Ways and Means sa naturang isyu na sisimulan bukas.

“Pag inhibit, inhibit dapat. Hindi ka na magpa-participate at hindi na rin lulutang pa sa pagdinig dahil posibleng ma-inti­midate mo lang ang mga sasalang sa imbes­tigas­yon,” saad ni Pangi­linan.

Matatandaang isina­sangkot ang manugang    ni Enrile na si James Ko­cher sa car smuggling sa Port of Irene sa Cagayan.

Bukod sa smuggling, nabahiran din ng dungis ang pangalan ni Enrile dahil sa umano’y pagpa­yag nito sa on-line gamb­ling inside operations sa Cagayan Export Zone.

Sinabi ni Lingayen-Dagupan Archbishop Oscar Cruz na ang approval ni Enrile sa on-line gambling sa loob ng CEZ ay mala­ king sampal sa kampanya ng pamahalaan hinggil     sa isyu ng morality lalo pa’t ang asawa nito na si Cristi­na Ponce Enrile ang am­ba­s­sador to the Va­tican.

Nabansagan ang Ca­gayan bilang “cybercity” o cybergambling capital ng bansa dahil tanging ito lamang ang lalawigan na may gambling establish­ment nang walang appro­val mula sa PAGCOR.

Ang on-line gambling ay pinayagan sa Cagayan sa pamamagitan ng spe­ cial law na inisponsor ni Enrile na Republic Act No. 7922 noong 1955 o ang batas sa pagbuo ng Caga­yan Export Zone Authority.

Sa ilalim ng batas, lahat ng uri ng sports at recrea­tional activities ay papa­yagan sa CEZA, kabilang na ang horse at dog racing, gambling casinos at golf courses. (Butch Quejada)