Kinasuhan na ng Department of Justice ng kidnapping sina Indanan, Sulu Mayor Alvarez Isnaji at anak nitong si Haider kaug nay sa pagdukot noong nakaraang buwan sa ABS-CBN broadcaster na si Ces Drilon at sa mga crew nito.
Base sa 26 na pahinang resolution na ipinalabas kahapon ni Justice Secretary Raul Gonzalez, inirekomenda nito ang pagsusulong ng kasong kidnapping for ransom sa Sulu Regional Trial Court laban sa mag-amang Isnaji.
Ang pagsusulong ng kaso ay base sa rekomendasyon ng panel of prosecution sa pangunguna ni Chief City Prosecutor Emilie Fe Delos Santos matapos na magbigay ng pabor ang mag-ama sa mga kidnappers sa halip na sa biktima.
Bukod dito, kinonsidera din ng panel ang umanoy paggigiit ng alkalde na magbigay ng ransom sa kabila ng alam nito na mayroong no ransom policy ang gobyerno.
Inamin naman ni Gonzalez na kaagad nilang inaksiyunan ang paghahain ng kaso laban sa mag-amang Isnaji sa pangambang makatakas pa ang mga ito sa kulungan sa Camp Crame. (Gemma Amargo-Garcia)