‘Di paglayag ng mga barko kapag may bagyo, papatay sa maritime industry

Hindi umano sagot sa pag-iwas sa trahedya sa dagat ang pagbabawal sa paglalayag ng mga barko base sa typhoon signal ng isang bagyo, kundi ang pagbibigay ng karampa­tang technical know-how at kredibilidad ng mga nama­mahala at tauhan sa in­dustriya ng shipping.

Sa pahayag ni Congressman Alvin Sandoval ng lone district ng Mala­bon/Navotas, sinabi niya na ang ganitong pagba­bawal sa mga barkong lu­mayag ng inter-island sa oras na may bagyo ay magbubunga ng kamata­yan ng maritime industry ng ating bansa.

Ayon kay Sandoval, ang pagbabawal sa Sul­pico Lines upang magla­yag ay hindi isang mabu­ting hakbang dahil 30 porsiyento ng local shipping industry ay mula sa nasabing kumpanya. Ma­laki anya ang mawawala sa kaban ng pamahalaan kung patuloy na ipagba­bawal ang operasyon nito.

Aniya, ang Professio­nal Regulatory Commission ang nararapat mag­patupad ng mahigpit na patakaran para masiguro na pawang “deserving examinees” lamang ang ma­ka­kapasa at mabibigyan ng karampatang lisensiya.

Idiniin niya na ang pag­papataas sa uri ng mga weather forecasting equipment ng cargo ships, passenger ships, super tankers at ibang pang sasak­yang pandagat ay isa sa mga dapat gawing hak­bang upang mabigyan ng sapat na kaalaman ang ka­pitan ng barko na mauna­waan ang lagay ng pana­hon.

Ipinanukala rin ni San­doval, nakapagtapos ng kursong Bachelor of Science in Marine Engineering sa State University of New York, ang pagbuo ng isang shipping fund na sasa­ gutin ng nagmamay-ari ng mga sasakyang pandagat upang magamit sa mga sakunang maaari nitong kasangkutan.

Ang nasabing pondo ay maire-reimburse mula sa mga insurance companies. (Butch Quejada)