Sayyaf lalong lalakas dahil sa ransom

Iginiit kahapon ng Ma­la­cañang na tinutulungan lamang ng mga nagbaba­yad ng ransom kapalit ng paglaya ng kidnap-victim ang Abu Sayyaf Group (ASG) upang palakasin ang kanilang fire-power.  

Sinabi ni Press Secretary Jesus Dureza, nag-aalala ang mga local officials sa Sulu na lalong lumakas ang puwersa ng ASG sa kanilang lugar dahil sa patuloy na pagba­bayad ng ransom kapalit ng paglaya ng kanilang mga kidnap-victims tulad ng ginawa ng ABS-CBN news team. 

Ayon kay Sec. Dureza, ang ibinabayad na ransom para sa kalayaan ng kidnap-victim ng ASG ay gina­gamit ng bandidong grupo upang bumili ng mga ar­mas at mag-recruit ng kanilang karagdagang puwersa. 

“Kaya sumasama ang loob ng mga Sulu officials at residente sa tuwing malalaman nilang nagba­ba­yad ng ransom sa ASG ang mga kaanak ng kidnap-victim dahil lalong pinapalakas lamang nito ang kanilang puwersa at fire-power,” wika pa ng kalihim. 

Pinakahuling dinukot ng ASG ang ilang tauhan ng Basilan Electric Cooperative (Baselco) na pina­laya kamakalawa matapos magbayad umano ng ransom. (Rudy Andal)