Gamot mura na!

Sta. Cruz, Laguna - Ni­lag­daan na kahapon ni Pangulong Gloria Maca­pagal-Arroyo ang Universally Accessible Cheaper and Quality Medicines Act of 2008 na magpapababa sa presyo ng gamot sa bansa sa ginanap na se­remonya sa Laguna Provincial Hospital. 

Nakapaloob sa nilag­daang batas ang pagka­ karoon ng competition sa local market sa pamama­gitan ng parallel importation ng mas mura su­balit may kalidad na gamot. 

Pinalakas din ng batas ang regulatory powers ng Bureau of Food and Drugs (BFAD) laban sa mga sub-standard na mga gamot. 

“We all know about the importance of Generics Law before but it was incomplete, and now with the cheaper medicines and quality bill we have completed, I believe, our legislative reforms in bringing affordable medicines to the people,” wika pa ni Mrs. Arroyo sa kanyang maikling mensahe bago lagdaan ang nasabing batas. 

Inatasan niya ang Department of Health na bili­san ang paggawa ng Im­ple­menting Rules and Regulations (IRR) sa loob ng 120 araw upang tulu­yang maipatupad na ito at makabili na ng mas mu­rang gamot ang mamama­yan lalo sa kanayunan. 

“With the signing of this law, the DOH put into high gear to further accelerate efforts to expand Botika ng Barangay outlets with the goal of 15,000 outlets nationwide by 2010,” wika naman ni Health Secretary Francisco Duque. 

Naniniwala naman si Palawan Rep. Antonio Al­varez, co-author ng nasa­bing panukala sa Kamara, hindi kaagad mararam­daman ng taumbayan ang pagbaba ng presyo ng mga gamot dahil ina­ asahan nilang mararam­daman pa ito sa loob ng 6 hanggang 8 buwan hang­gang sa ma­payagan na ang impor­tasyon ng mga gamot. 

Sa ilalim ng nasabing batas, puwede nang umang­­kat ang sinumang indibidwal o organisasyon na nakare­ histro sa BFAD ng mga imported medicine na mas mura sa ibang bansa kaysa sa ibinebenta sa mga drug stores sa bansa.

Dumalo sa pagsasa­batas sa Cheaper Medicine Bill sina Sen. Mar Roxas, Sen. Pia Cayeta­ no, Sen. Ramon “Bong” Revilla Jr., Rep. Edcel Lag­man, Rep. Jo­se­lito Roxas, Rep. Antonio Alvarez at iba pang co-authors ng nasa­bing panu­kala.