Sen. Gordon hugas-kamay kay Barbers

Hugas kamay si Senator  Richard Gordon sa isyu ng pag­kakatanggal ni Philippine Tourism Authority General Manager Robert Dean Barbers sa pu­westo kung saan  tinanggihan  niya ang pagkakatalaga kay Tourism Secretary Joseph Ace Durano bi­lang  officer  in charge ng nasabing ahensiya.

Ayon kay Gordon, chairman ng Senate committee on Tourism, bagama’t kinondena niya ang mga ka­walan ng  PTA  hinahangaan naman niya ang na­ging pamumuno ni   Barbers dito.

 “I remember when I was still the DOT Secretary, even though I would sometimes admonish him but I remained as a believer in his capabilities  and potentials. Pinapagalitan ko yan pero mahal ko ang batang yan, ma­rami siyang nagawa. He should be congratulated to that,” ani Gordon.

Isa sa mga tinutu­koy ni  Gordon ay ang  bagong  tayong Ocea­narium na mas lalo pang nagpatingkad ng  turismo ng  bansa.

 Binigyan diin pa ni  Gordon na simple la­mang ku­milos si Barbers subalit nagawa umano nitong pataasin ang kalidad ng  turismo sa bansa. Nabatid na sa ilalim ni Barbers malaki ang kinita ng PTA mula P25.047 mil­yon noong 2002 at umak­yat ito ng  P40.368 milyon  noong 2007.

Sinabi ni Gordon na sapat na itong ba­tayan upang panati­lihin si Barbers sa PTA ha­bang naghahanap pa ng kanyang kapalit o humanap ang Mala­kanyang ng isang tulad ni  Barbers na hindi naman pulitiko. Hindi din pabor na maitalaga si Durano sa puwesto.