GMA pinuri sa wage hike

Pinasalamatan kaha­pon ng Confederation of Government Employees Organizations (COGEO) si Pangulong Arroyo sa kan­yang pagtataas ng sahod ng mga empleyado ng gobyerno mula sa isang buwan.

Sa pahayag nina COGEO Chairman at legal counsel Jesus I. San­tos at presidente na si Florinio Ibanez, dapat magsilbing panggising sa samba­yanan ang naging hakbang ni Pangulong Arroyo para mapatunayan kung sino ang tunay na makatao.

Tiniyak din nina COGEO Secretary-General Atty. Manuel Parlada at Executive Vice-President Bayani Aquino na solidong susu­porta ang organisas­yon kay Pangu­long Arroyo at lahat ng kanyang mga hakbangin para sa Samba­yanan.

Sinabi ni Santos na maliban sa Pangulo, wa­lang anumang nababa­litaan o nakikita ang grupo sa sinumang kritiko ng pamahalaan na maka­pag­bibigay ng karag­dagang kita sa mga em­pleyado ng gobyerno.

Sinabi ni Santos na dapat nang magkaroon ng kahihiyan ang mga tumu­tuligsa kay Pa­ngulong Arroyo ng walang basehan na tigilan na ang pamumu­litika at pub­lisidad at mag­trabaho na para sa taum­bayan at hindi para sa kanilang mga ambisyong pulitika sa 2010.