Mag-inang pinatay sa Japan iniuwi na

Nakauwi na at tak­dang ilibing sa Sabado sa Capiz ang mga bang­kay ng isang Pili­ pina at anak nitong 7-buwang gulang na sanggol na kapwa pinas­lang sa Japan nitong nakalipas na linggo.

Kahapon ay tumu­lak na patungong Tahit, Mambusao, Capiz mula Manila Domestic Airport ang mga labi ng mag-inang sina Cri­santa Lo­pez, 33, at kan­yang anak na si Naomasa na sinama­han ng kanyang mga kaanak.

Dumating sa NAIA Centennial Terminal 2 mula Tokyo sakay ng Philippine Airlines ni­tong Linggo ang mga labi ng mag-ina at pan­saman­talang inilagak sa isang funeral homes bago inilipad patu­ngong Ca­piz nitong Martes.

Base sa report, si Cri­santa ay natagpuan sa kanyang tirahan sa Tokyo na naliligo sa sa­riling dugo at  tadtad ng tama ng patalim sa kata­wan habang ang bata ay nasawi sa pa­mamagitan ng pag­sakal nitong Mar­so 17.

Lumalabas sa im­bestigasyon ng Tokyo police na ang 43-anyos na asawa ni Crisanta na nakilalang si Masa­yoshi Nagano, isang Japanese national, ang sus­pek sa krimen.

Nabatid na si Cri­santa ay nagtrabaho sa Japan bilang isang entertainer noong 1997 at nakilala nito doon ang kanyang Japanese husband.

Sina Crisanta at Ma­ sa­yoshi ay ikinasal  may walong taon na ang na­kalilipas sa Immaculate Concepcion Metropolitan Cathedral sa Roxas, Capiz.  (Ellen Fernando)