$2-B investment pasalubong ni GMA

Aabot sa 2 bilyong dolyar na investment sa Pilipinas ang magiging pasalubong ni Pangulong Arroyo matapos ang kanyang 3-araw na pagbisita sa Hong Kong. 

Ayon kay Pangulong Arroyo, ang $2 bilyong investment ay mula sa HK-based na Shimao Property Holdings Limited na pag-aari ng 2nd richest man ng China na si Mr. Hui Wing Mau. 

Interesado umano ang Shimao para sa pag-develop ng 2 project sa Fort Bonifacio gayundin ang pag-develop sa magiging surfing capital na Calicoan island sa Guiwan, Eastern Samar. 

Wika pa ni Mrs. Arroyo, interesado ang Shimao na mag­tayo ng 500-room na resort sa Guiwan, Eastern Samar.

Maliban sa Shimao, sinabi din ni Pangulong Arroyo na nagpakita ng interes na magnegosyo sa bansa ang Hopwell Holdings na pag-aari ni Gordon Wu. (Rudy Andal)