Pagpapakalat ng posters ni Faeldon, 10 pa itinodo ng PNP

Itinodo na kahapon ng Philippine National Police (PNP) ang pagpapakalat ng poster ng puganteng si Marine Capt. Nicanor Fael­don at siyam na iba pang sundalong nakatakas ma­tapos ang siege sa Manila Peninsula Hotel sa Makati City na pinamunuan ni Sen. Antonio Trillanes noong Nobyembre 29, 2007.

Ang nasabing hakbang ay upang mapabilis ang pagdakip kay Faeldon na may patong sa ulong P1-M at sa iba pang enlisted personnels ng AFP na na­sang­kot sa bigong des­ta­bili­sasyon.

Nauna nang nagpa­kalat ang PNP ng posters ni Faeldon at ilan pa sa mga nakatakas na EPs sa ilang piling lugar sa Metro Manila at mga karatig lalawigan, pero kahapon ay umaabot na ito sa 10 at itinodo ang pagpapakalat sa buong bahagi ng bansa. 

Si Faeldon ay una nang nakatakas sa kustodya ng militar noong Disyembre 14, 2005  at nasakote ma­kali­pas ang mahigit sa isang buwan.

Maliban kay Faeldon, kabilang pa sa sentro ng manhunt operation sina Marine Cpl. Jerson DL. Alabata ng Canelar, Zam­boanga City; Marine Private First Class Josil B. Regu­lacion ng Talusan, Zam­boanga Sibugay; Marine Pfc. Abraham Apostol ng Cepeda St., Tugue­garao City; ex-Seaman First Class  Gerardo De­dicatura ng Phil. Navy; Marine Pfc. Jojo Abando; Marine Pfc. Hardy A. Gla­raga; MPfc Jojit C. Soriano; Marine Pfc. Mon­chito O. Lusterio at ex-Master Sgt. Elmer Colon ng Maa, Da­vao City na naiwan pa ang ginamit na wig sa Ma­nila Pe­ninsula sa kan­yang pagtakas.  (Joy Cantos)