Car crash sa Riyadh: 5 Pinoy sugatan

Limang empleyado ng Overseas Workers Welfare Administration na nakatalaga sa Philippine Overseas Labor Office ang nasugatan kabilang ang isang nasa malubhang kalagayan sa naganap na sakuna sa Riyadh, Saudi Arabia noong Huwebes ng hapon.

Sa ulat na tinanggap kahapon ni Department of Foreign Affairs (DFA)  Secretary Alberto Ro­mulo, kinilala ang mga nasugatan na sina Leo­nardo Eugenio Jr., Taif Dumado, Jimmy Umag, Mario Agustin Menerio at Rene Literal.

Si Eugenio ay nasa kritikal na kondisyon at ngayo’y nasa Intensive Care Unit (ICU) sa King Khalid Military Hospital sa Hafr Al Batin doon.

Ang insidente ay naganap sa pagitan ng alas-3-3:30 ng hapon sa kahabaan ng highway ng Riyadh.

Sa inisyal na impor­mas­yon, lulan ang li­mang biktima ng Isuzu Trooper patungo sa Sakaka nang biglang sumabog ang gulong ng nasabing behikulo na minamaneho ni Umag.

Tumatakbo umano ang sasakyan sa bilis na 160 kilometers per hour nang pumutok ang gu­long nito.

Sa bilis ng takbo ng sasakyan ay makailang beses pa itong gumu­long sa highway na iki­nasugat ng mga Pinoy. (Joy Cantos)