Hukom pinagmulta sa kaprangkahan

Pinarusahan ng Korte Suprema ang isang huwes na prang­kahan at bulgaran ang pananalita sa mga litigant na babae, na hindi dapat ugaliin nito alin­sunod sa New Code of Judicial Conduct for the Philippine Judiciary.

Naging bastos sa pananalita si Judge Anastacio C. Rufon, ng Branch 52, Bacolod City Regional Trial Court (RTC) at isa sa reklamong inihain la­ban sa kaniya ng litigant na babae ang pagsasabi nito sa pag­dinig na “ ..laging ibuka ang mga hita nito at kamay sa tuwing da­rating si mister.”

Batay sa desisyon ng Supreme Court, sinabi nito na tama lamang ang naging rekomen­dasyon ni Court of Appeals Justice Rebecca De Guia-Salvador na nag-im­bestiga sa kaso ni Rufon na maparu­sa­han ito.

Guilty ang hatol ng CA kay Rufon sa ka­song administratibo kaugnay sa paggamit nito ng bastos at prang­kahang mga salita nang hindi bini­bigyan ng konsi­de­rasyon ang pagiging babae ng litigant.

Bunga nito, pinata­wan ng multang P5,000 si Rufon at pinaalala­hanan na hindi na dapat pang maulit ang katulad na pangyayari. (Ludy Bermudo)