Posibleng pumalit kay Abalos inilantad ng Palasyo

Nagpadala na ang Ma­­la­cañang sa Commission on election (COMELEC) ng listahan na siyang posib­leng pumalit sa posisyon ng nagretirong si Comelec Chairman Benjamin Abalos.

Sa nabanggit na lista­han ay kapansin-pansin na wala ang mga panga­lan ng mga ka­saluku­yang Commissioners ng Comelec.

Kasama sa nabang­git na listahan ng Mala­cañang sina dating Se­nador  Wig­berto Tana­da; Atty. Rene Sagui­sag; Atty. Rufus Ro­d­riguez; Dean Amado Valdez;  Atty.  Allan Ta­laig; Atty. Howard Calleja at Se­dero Ma­luenda.

Ang pagpapadala ng listahan ng Mala­ cañang sa Comelec ay upang maka­paghain ito ng komento at bigyan ng pagkakataon ang mga opisyal nito na ma­­kapa­mili ng posi­bleng ipalit sa iniwang posisyon ni Aba­los bilang Comelec Chairman.

Gayunman, pinaala­la­hanan ng Malacañang ang Comelec na dapat piliin ng mga ito ang isang opisyal na may­roong integri­dad, dig­nidad at karapat-dapat na maging pinuno ng Comelec.

Magugunita na si Aba­los ay nagretiro ma­tapos na masangkot ito sa kon­tro­bersiyal na ZTE-National Broadband Network deal. (Grace dela Cruz)