‘Impeach Abalos’ ikinasa

Isinampa kahapon ni Iloilo Vice Governor Rolex Suplico sa House of Repre­sentatives ang impeach­ment complaint laban kay Commission on Elections Chairman Benjamin Aba­los dahil sa pagkaka­sang­kot nito sa anomalya sa $329.48 milyong national broadband network con­tract ng pamahalaan sa ZTE Corp. ng China.

Sa reklamo, inakusa­han si Abalos ng pagtatak­wil sa tiwala ng publiko,  paglabag sa Konstitusyon, panunuhol at katiwalian.

Inindorso naman ng mga kongresistang sina Teofisto Guingona III, Teo­doro Casino at Ma. Isabelle Climaco ang naturang im­peachment complaint.

Kabilang sa nilalaman ng reklamo ni Suplico ang sinumpaang salaysay nina dating NEDA director Romulo Neri at Jose “Joey” de Venecia III ng Ams­terdam Holdings Inc.

Sinabi naman ni Casino na inindorso niya ang com­plaint dahil sufficient in form and substance ito.

Ayon pa kay Casino, mag­sisilbing prima facie evidence laban kay Abalos ang mga natuklasan sa im­bestigasyon ng Senado sa NBN project. (Butch Quejada)