Proklamasyon ni Migz nabitin

Muling ipinagpali­ban ng Commission on Elections (Comelec) ang proklamasyon nga­yong araw ni Team Unity senatorial candidate Migz Zubiri.

Ayon kay Comelec Chairman Benjamin Abalos, nagpasya ang poll body na iurong ang prokla­masyon ni Zubiri ma­tapos silang maka­tang­gap ng notice mula sa Supreme Court na iti­nakda na ang oral arguments sa darating na Biyernes, alas-10 ng umaga, tungkol sa pe­ tisyon ni Genuine Opposition candidate Koko Pimentel na pu­mipigil sa proklamas­yon ni Zubiri.

“Out of judicial courtesy kaya nagdesisyon kami na iatras ang proklamasyon,” ayon pa kay Abalos.  

Inatasan din ng SC ang Comelec na mag­sumite ng kanilang comment bago alas-3 ng hapon bukas kaug­nay sa panibagong mosyon ni Pimentel.

Hiniling Koko sa SC na magpalabas ito ng TRO o status quo order upang mapigilan ang Comelec na mag­prok­la­ma ng ika-12 sena­dor upang ma­bigyan siya ng pag­kakataon na kuwes­tyunin ang Ma­guin­danao votes.

Sinabi pa ni Pimen­tel sa kanyang petis­yon sa High Court na kung sakaling iproklama ng Comelec si Zubiri ay hiniling nitong magpa­labas ang SC ng status quo order. 

Hindi naman nag­palabas ng TRO ang SC, sa halip ay itinakda ang oral argument.

Una rito, umapela ang abo­gado ni Zubiri na si George Garcia sa NBOC para iproklama ang kanyang kliyente, matapos na igiit nito na lamang na si Zubiri ng 18,372 boto laban kay  Pimentel.