Ping muntik matodas

Abut-abot ang pasasalamat sa Diyos ni GO senatorial candidate Panfilo "Ping" Lacson matapos siyang makaligtas nang bumagsak ang isang chopper ng Phil. Air Force sa dalawang traysikel sa Lapu-Lapu City, Cebu na ikinamatay ng siyam katao kamakalawa.

"There was a helicopter crashed in Lapu-Lapu City right behind our vehicle. It missed us in a few seconds. We could have been dead by now!" ani Ping na agad nagpa-misa dahil sa pangalawang buhay na ipinagkaloob sa kanya ng Diyos. Bunga ng pangyayari ay naantala ang biyahe ni Lacson pabalik sa Maynila.

Sinabi ni Lacson na siya at ang kasamahan niyang kandidatong si Zosimo Paredes ng Kapatiran ay nasa loob ng isang van patungo sa bahay ng isang alkalde ng maganap ang insidente.

Nabatid na may 30 metro lamang ang layo ni Lacson sa bumagsak na helicopter. (Joy Cantos)