Ayon kay Zubiri, pinalaki lang ng ilang pahayagan ang kanyang sinabi kamakailan na sa halip na mag-pulong sulong ang 12 kandidato ng TU, mas mahalaga pa rin na makita sila ng mamamayan na mag-isang nangangampanya.
Paliwanag ni Zubiri, mas mapapalakas pa sana ng mga kandidato ng TU ang kanilang kampanya kung pagtutuunan ng pansin ang kani-kanilang mga balwarte at sila mismo ang nakikipag-usap at nangangampanya sa mga tao. (Malou Escudero)