Nasawing Solon nagparamdam

Dinala na kahapon sa bulwagan ng Mababang Kapulungan ng Kongreso ang bangkay ni Valenzuela Rep. Antonio Serapio na namatay sa isang car accident sa Nueva Ecija habang patungo sa Maynila upang dumalo sa special session ng Kamara.

Kasabay nito, naikuwento ni Caloocan Rep. Oscar Malapitan ang ginawang pagpaparamdam sa kanya ng kaluluwa ng namayapa niyang kaibigan.

Ayon kay Malapitan, biglang bumagsak kagabi ang headrest o sandalan ng ulo ng kanyang van nang walang dahilan at ang naisip kaagad niya ay si Serapio. Naisip niyang baka niloloko siya ng kaibigan at nagpaparamdam lang ito sa kanya.

Matalik na magkakaibigan sa Kamara sina Se rapio, Malapitan at Reps. Bingbong Crisologo ng Quezon City at Luis Asistio ng Caloocan City kaya nabansagang "big four" ang kanilang grupo. (Malou Escudero)