Ayon kay Jose Burgos, receiving officer ng Commission on Elections-National Capital Region (Comelec-NCR), nagtataka umano siya kung bakit wala pang naghahain ng COC na malalaking personalidad kundi aapat pa lamang na ordinaryong tao ang nag-file bilang mga Kongresista.
Idinagdag pa ni Burgos na noong 2004 elections ng mga ganitong petsa ay mayroong ng 30 malalaking personalidad ang naghain ng kanilang COC subalit ngayon kahit isa ay wala pa.
Maaari umanong pagsapit ng huling araw ng filing sa Marso 29 ay dumagsa ang maghahain ng kandidatura sa lokal na posisyon na isa umanong ugaling Pilipino na sa last minute naghahabol. (Gemma Amargo-Garcia)