Sa press briefing sa Camp Aguinaldo, sinabi ni Phil. Marines spokesman Lt. Col. Ariel Caculitan na nangangailangan ang mga forensic experts ng sapat na panahon mula 3-4 linggo para makumpleto ang DNA test sa pagsusuri ng sample tissue na nakuha sa bangkay.
Binigyang-diin ni Caculitan na hindi sila dapat kaagad magtiwala sa inihayag ng mga sumukong miyembro ng Sayyaf at dahil itinuturing na high value target si Janjalani ay dapat na maberipika itong mabuti.
Si Janjalani, ayon sa mga testimonya ng ma sumukong bandido, ay napatay umano sa pakikipag-encounter sa mga sundalo noong Setyembre 4 sa bayan ng Patikul. Sa naturang sagupaan, 6 tauhan ng Marines ang napatay habang 19 ang sugatan. (Joy Cantos)