Hindi pagbabayad sa PIATCO suportado ng batas

Iginiit ni Ilocos Sur Rep. Salacnib Baterina na suportado ng batas sa Estados Unidos gayundin sa International Arbitral Tribunals ang kanyang ipinaglalaban upang hindi bayaran ng gobyerno ang Philippine International Air Terminal Corporation (PIATCO).

Sinabi ni Rep. Baterina sa nakaraang oral argument sa Korte Suprema sa pamamagitan ni Atty. Jose Bernas na hindi umano dapat bayaran ng gobyerno ang PIATCO matapos ideklara ng SC na ilegal ang kontrata nito at nilabag ang ilang batas.

Wika pa ni Baterina, sa US ay ibinabasura lamang ang kahilingan ng sinumang contractors kapag napatunayan na ilegal ang kontrata nito kahit nakinabang ang gobyerno dito.

Nagtataka din ang kongresista kung bakit ang laki ng takot ng gobyerno sa PIATCO.

Payag naman si Baterina na bayaran ang nagastos ng PIATCO sa pagpapatayo sa NAIA terminal 3 pero hindi ang kabuuan ng konstruksyon nito. (Grace dela Cruz)