Recom walang nilabag na batas – DILG

Lumabas ang katotohanan na walang nilabag na batas si Caloocan City Mayor Enrico "Recom" Echiverri matapos na maglabas ng rekomendasyon and Department of Interior and Local Government (DILG) na nagtatanggal ng administrative liability sa kasong isinampa laban sa kanya.

Dahil dito, nagpasalamat si Echiverri kay Secretary Puno sa pagiging "neutral" nito sa pagsasagawa ng imbestigasyon sa mga ibinabatong akusasyon sa alkalde.

Matatandaan na may pilit na muling nagbubukas ng mga dating kaso ni Echiverri na isinampa dito upang sirain ang pagkatao at reputasyon ng punong lungsod.

Ang kasong grave abuse of authority na isinampa laban kay Echiverri ay nag-ugat matapos na tanggalin ang kontrata ng lokal na pamahalaan at ng Jadewell Parking Corp. dahil sa mga reklamo ng mga residente na pag-abuso nito.

Ang nasabing kaso ay matagal nang nadesisyunan at ibinasura ng Office of the Ombudsman, Regional Trial Court (RTC) at ng Court of Appeals.