Sibakan, balasahan sa Comelec

Naniniwala si Cavite Rep. Gilbert Remulla na ang pagbibitiw at malawakang balasahan lamang sa Comelec sa pangunguna ni Chairman Benjamin Abalos Sr. ang tanging kasiguraduhan na hindi na mauulit ang kontrobersiyal na "Hello Garci" sa 2007 elections.

Ayon kay Remulla, hindi pa rin tiyak na wala nang kontrobersiyal na magaganap sa 2007 elections kahit na mayroon pang isang memorandum na naglilimita sa partisipasyon ng military sa panahon ng halalan.

"Hindi ganyang reporma ang aming hinihingi, magsilayas na sila sa kanilang tungkulin dahil sa nangyaring kontrobersiya tutal ayaw naman nilang managot sa mga alegasyon ng dayaan," ani Remulla. (M.Escudero)