Jamby kinalampag ng women’s group

Pinaalalahanan ng grupong kababaihan si Sen. Jamby Madrigal na unahin nito ang kanyang trabaho sa Senado bago makipag-sabwatan sa Communist Party of the Philippines (CPP).

Sa pahayag ni Aksyon Sambayanan sec-gen at women leader Beth Angsioco, dapat iprayoridad ni Sen. Madrigal ang paggawa ng mga batas partikular sa kapakanan ng mga kababaihan katulad ng ipinangako nito sa kanyang kampanya.

Ani Angsioco, naturingan pang pinuno ng Senate Committee on Women si Madrigal ngunit wala pa umano silang naririnig na anumang batas para sa kababaihan ang naipasa na ng senadora.

"Being a member of the opposition and a critic of government is one thing, but conspiring with the very people who have been leading an armed struggle to destroy democracy is another thing," dagdag pa ni Angsioco.