Impeach ni Lozano vs Abalos nabokya

Nabokya agad kahapon ang impeachment complaint na tinangkang ihain ni Atty. Oliver Lozano laban kay Comelec Chairman Benjamin Abalos matapos hindi ito tanggapin ng House Secretary General.

Ipinaliwanag ni Corazon Olano, kawani sa tanggapan ng House Secretary General na kailangang mayroong endorsement ng isang mambabatas ang impeachment complaint bago ito ihain.

Sa 3-pahinang reklamo, inakusahan ni Lozano si Abalos ng "betrayal of public trust" dahil sa kontratang pinasok sa Mega Pacific na nagkakahalaga ng P1.3 bilyon.

Ang kontrata ay may kaugnayan sa pagkuha ng automated counting machines na diumano’y overpriced nang nasa P500 milyon base na rin sa testimonya ni Solicitor General Alfredo Benipayo sa testimonya sa Senado. (Malou Escudero)