Mga kabataang bilanggo ililipat sa DSWD rehab

Ililipat na sa rehabilitation centers ng Department of Social Welfare and Development (DSWD) ang 3,705 mga batang bilanggo na nakapiit sa 1,500 mga bilangguan sa buong bansa.

Ayon kay Executive Secretary Eduardo Ermita, isang special task force na kinabibilangan ng mga kinatawan ng Department of Justice, DSWD, DILG at Council for the Welfare of Children ang kasalukuyang naghahanda sa paglilipat.

"Right now we are focused in prison reforms that would include expanded rehabilitation programs for youth offenders and children in conflict with the law," ani Ermita.

Sinabi ni Ermita na ang masikip na bilangguan ay isa sa mga problemang inihahanap ng solusyn sa pangmatagalang panahon. (Lilia Tolentino)