Garci wala sa Bataan

Bigo ang mga operatiba ng pulisya na matagpuan ang kontrobersiyal na si dating Comelec Commissioner Virgilio Garcillano na napaulat na nagtatago sa lalawigan ng Bataan.

Ayon kay Sr. Supt. Hernando Zafra, Provincial Police Office director ng Bataan, matapos matanggap ang nasabing impormasyon ay agad nilang ginalugad ang mga bayan ng Bagac at Morong sa lalawigan pero wala dito si Garcillano.

Si Garcillano ay pinaghahanap kaugnay ng ipinalabas na warrant of arrest laban dito ng Kongreso matapos tatlong ulit na isnabin ang patawag na hearing ng House kaugnay ng "Hello Garci"tapes. Siya ang opisyal ng Comelec na sinasabing nagpagamit umano para dayain ang resulta ng 2004 national elections at papanalunin si Pangulong Arroyo. (Ulat ni Joy Cantos)