Hirit ni Pimentel: Erap payagang makapag-piyansa

Hiniling kahapon ni Senate Minority Leader Aquilino Pimentel Jr. sa Sandiganbayan na payagang makapagpiyansa si dating Pangulong Estrada upang makapaghanda sa kanyang depensa sa pagharap sa witness stand kaugnay ng kanyang plunder case.

Naniniwala si Pimentel na hindi naman tatakas si Estrada dahil noong 2001 ay inalok na ito ng Arroyo government na umalis ng bansa pero tinanggihan ito ng dating pangulo.

Apat na taon nang nakakulong si Estrada, una ay sa Veterans Memorial hospital mula 2001-2003 hanggang sa ilipat sa rest house nito sa Tanay, Rizal. (Ulat ni Rudy Andal)