Apela ng 28,000 doktor: Igalang ang Konstitusyon

Nanawagan ang samahan ng mga manggagamot sa buong bansa sa taumbayan na igalang ang Konstitusyon at ang mga umiiral na batas sa pagresolba sa nagaganap na krisis sa pulitika ngayon.

Sa kanilang bukas na liham sa mamamayan, umapela si Dr. Modesto Llamas, pangulo ng Philippine Medical Association, na igalang ang demokratikong proseso sa panawagang patalsikin si Pangulong Arroyo.

Sa halip na makisali sa gulo, hinikayat ng PMA ang lahat na sektor ng lipunan at mga partido pulitikal na pangunahing pagtuunan ng pansin ang kagalingan at kapakanan ng sambayanan sa anumang pagkilos na kanilang gagawin upang maresolba ang umiiral na krisis sa pulitika sa bansa.

"Frequent changes in goverment through procedures and processes outside of the bounds of the Constitution leads to political instability, drives and scares away foreign and domestic investors and downgrades our nation’s credit rating," ani Llamas. (Ulat ni Ellen Fernando)