Pinalayang mutineer ipatatawag sa foto na naka-tiklop kamao

Nakatakdang ipatawag ng pamunuan ng Armed Forces of the Philippines (AFP) ang isa sa 181 enlisted personnel na pinalaya dahil sa pagkakasangkot sa Oakwood mutiny makaraang makunan ito ng litrato noong Biyernes ng umaga sa Camp Aguinaldo na naka-maskara at nakakuyom ang kamao habang sakay ng M-35 truck.

Ang nasabing sundalo na kinilala na ng mga opisyales ng AFP subalit hindi muna binanggit ang pangalan ay nahagip ng kamera ng isang broadsheet photographer bago magsimula ang pagpapalaya sa mga ito.

Nakatakda itong ipatawag upang hingan ng paliwanag kung bakit ganun ang kanyang aksyon.

Takda din itong isailalim sa due process upang mabatid kung karapat-dapat pa siyang mapabilang sa Sandatahang Lakas ng Pilipinas. (Ulat ni Angie dela Cruz)