Excise tax at dual citizenships,batas na

Pormal nang isinabatas kahapon ni Pangulong Arroyo ang Automotive Excise Tax at Dual Citizenship Act.

Ang lagdaan ng dalawang bagong batas ay isinagawa sa Palasyo at dinaluhan nina House Speaker Jose de Venecia, Senate President Franklin Drilon at maging sa oposisyon na sina Senators Vicente Sotto at Aquilino Pimentel.

Sa kanyang pahayag, sinabi ng Pangulo na ang Dual Citizenship Act ay kakambal ng Absentee Voting Law na bahagi ng electoral reforms.

Ayon sa Panguo, inaasahang mas marami pang Pinoy sa ibayong dagat ang makakabahagi sa absentee voting.

Samantala, ang Automobile Excise Tax ay panlaban sa smuggling ng mga mamahaling sasakyan sa bansa bukod pa sa paglaban sa tax evasion.

Inaasahang kikita ang gobyerno ng P213.3 million sa koleksiyon ng buwis sa pagpapatupad ng bagong batas. (Ulat ni Ely Saludar)