Kampanya vs droga pinatindi

Puspusan na ang kampanya laban sa droga matapos magkapit-bisig ang mga private firms, corporations, local gov’t units at Drug Check Phils. Inc., nangunguna at largest drug testing firm sa bansa at pangunahan ang pagdiriwang ng National Drug Prevention and Control Week na may temang "Kalayaan sa Droga Tungo sa Matatag na Republika."

Sinabi ni DILG Sec. Joey Lina na ito lamang ang tamang paraan para maibsan ang paglaganap ng bawal na gamot sa bansa sa pamamagitan ng pagtutulungan ng bawat isa sa pagpuksa dito.

Nakiisa rin ang Dangerous Drug Board (DDB) sa kampanya ng Drug Check para labanan ang problema sa illegal drugs at hinihikayat nito ang lahat ng kumpanya na tumugon sa probisyon ng bagong Comprehensive Drug Act.

Kapuna-puna umano na 36% ng rehabilitation center patients ay professional employees na may college degree. Nangangahulugan lamang anya ito na ang mga drug users ay hindi lamang mga unemployed.

"In a global economy, investments naturally have a propensity to channel themselves to competitive markets. No country can hope to achieve parity with the rest of the world if its work force is impaired by drug. The challenge in front of us is to shape our companies by eradicating drugs or face economic extinction," sabi ni Mylon Villasante, spokesman ng Drug Check. (Ulat ni Angie dela Cruz)