Makapagbibigay ng gutay-gutay na watawat ng Pilipinas may pabuya

Magkakaloob ng pabuya ang Senado sa sinumang makapagsusumbong ng sira-sirang watawat ng Pilipinas na napapabayaan o maling paggamit dito dahil isang paglapastangan ito sa ating bandila.

Sinabi ni Senator Blas Ople, hinahandugan natin ang ating bandila ng tamang respeto at paggalang kung saan ang mga sirang watawat ay dapat isinasaayos o kaya naman ay pinapalitan ng bago.

Aniya, dapat ipabatid sa kanyang tanggapan sa Senado sa telepono 552-6791 o sa National Historical Institute ang anumang pagyurak at maling paggamit sa ating bandila kung saan ay magbibigay siya ng P500 sa bawat madadalang sirang watawat pero ang impormasyon dito ay dapat beripikado na nasira o napabayaan at hindi basta sinira para lamang makakakuha sila ng pabuya.

Sabi pa ni Ople, hindi lamang isang simbolo ang ating bandila kundi ito ay nagpapatunay ng pagkakaisang bansa kung saan ay binibigyan tayo ng ating pagkakakilanlan kaya marapat lamang irespeto ito ng kanyang mga mamamayan. (Rudy Andal)