Sakit ni Erap hindi banta sa kanyang buhay

Hindi maikokonsiderang "life threatening" o banta sa kanyang buhay ang sakit na osteoarthritis ni dating Pangulong Estrada bagaman at maaari siyang malumpo dahil sa sakit niyang ito.

Ito ang sinabi kahapon sa Sandiganbayan Special Division ng hepe ng Radiology department ng Veterans Memorial Medial Center sa isinagawang pagdinig sa kahilingan ni Estrada na payagan siyang makapagpa-opera sa Amerika.

Ayon kay Dr. Dorita Evangelista, hindi nakamamatay ang sakit ni Estrada pero malaking suliranin ito sa paglalakad ng dating presidente.

Sinabi pa nito na may butas na rin sa kaliwa at kanang paa si Estrada dahil sa sakit na rayuma. (Ulat ni Malou Rongalerios-Escudero)