Cardinal Sin walang karamdaman

Pinabulaanan kahapon ng Catholic Bishop’s Conference of the Philippines (CBCP) ang naglalabasang balita na si Manila Archbishop Jaime Cardinal Sin ay may malubhang karamdaman.

Ang makapangyarihang lider ng Katoliko sa bansa ay nakahiga diumano sa banig ng karamdaman bunga ng sakit nito sa kidney.

Ayon kay CBCP Spokesperson Monsignor Pedro Quitorio na si Cardinal Sin ay malakas pa ang katawan na handang ipagdiwang ang kanyang 73 anyos na kaarawan sa darating na Agosto 31.

Pinangunahan ni Cardinal Sin ang paglulunsad ng dalawang People Power sa dalawang Pangulo na ikinatanggal sa puwesto ng diktador na si Ferdinand Marcos at kay Joseph Estrada sa umano ay pagiging corrupt nito at imoral. (Ulat ni Sandy Araneta)