Bagamat umaabot na sa mahigit 70% ang nabibilang na mga certificate of canvass sa kabuuang 102 ayon pa kay Comelec Commissioner Resurrecion Borra, maaari pang mabago ng milyong boto ng ARMM ang 8-4-1 trending sa kasalukuyan.
Sinabi ni Borra na marami pang mga barangay sa ibat ibang lalawigan ng Lanao at Maguindanao ang magsasagawa ng special elections sa Mayo 30 matapos magdeklara ng failure of elections sa naturang mga lugar.
Gayunman, sinabi ni Borra na ang resulta sa ARMM ay hindi maikokonsiderang kagustuhan ng mga mamamayan dahil na rin umano sa vote-buying. (Ulat ni Rose Tamayo)