Pagsibak kay Rep. Jose Mari Gonzales giit ni Favic

Hiniling kahapon ni House of Representatives Sergeant-at-Arms Bayani Favic sa ethics committee ng mababang kapulungan na patawan ng pinakamabigat na parusang expulsion o pagkakatanggal sa puwesto si San Juan Congressman Jose Mari Gonzales dahil sa pananampal nito sa kanya noong Nobyembre 13.

Tinanggihan ni Favic ang nauna nang paghingi ng tawad ni Gonzales na sinorpresa pa ang mga miyembro ng komite at media nang dumalo sa pagdinig dahil sa pagiging arogante nito.

Iginiit naman ni Favic na katrayduran ang ginawa ni Gonzales kaya dapat lang itong patalsikin sa Kongreso. (Ulat ni Marilou Rongalerios)