CEBU, Philippines — Ang gikaintapan nga Japanese 'Monster' nga si Naoya Inoue gikatakda nga manalipod sa iyang trono isip undisputed super bantamweight champion batok sa Australyanong challenger nga si Sam Goodman karong Disiembre 24 didto sa Ariake Arena sa Tokyo. Mao kini ang ikatulong depensa ni Inoue sukad gihiusa niya ang upat ka mga bakos sa super bantamweight division human gipatikangkang ang Pinoy nga si Marlon Tapales sa ika-10 nga hugna niadtong Disiembre 23 sa miaging tuig. Napanalipdan sa 31-anyos nga si Inoue ang iyang mga titulo human gipakamang si kanhi two-divison world champion Luis Nery sa ikaunom nga hugna niadtong Mayo didto sa Tokyo Dome. Niadto lamang miaging bulan, si Inoue nagpabiling hari human gipahagba si TJ Doheny sa ikapitong hugna. Sa kasamtangan, si Inoue nagkupot og perpektong 28-0 rekord nga gidayan-dayan og 25KOs.cMohagit kaniya ang 26-anyos nga si Goodman, nga wala pa say pilde sa 19 ka away uban ang 8KOs.