PBA Governor's Cup: Teams nga namalik ang imports mga inilog

CEBU, Philippines — Ang mga teams nga adunay karaan ug kasaligang imports gipindot nga mga inilog aron molangkat sa kampiyonato sa PBA Season 49 Governors Cup nga mosikad na karong Dominggo didto sa Smart Araneta Coliseum.

Kini naglangkob sa defending champion TNT, Philippine Cup champion Meralco, ug Barangay Ginebra.

Si Rondae Hollis-Jefferson mao gihapon ang mangu sa kampanya sa TNT pagdepensa sa ilang korona.

Ang Meralco magsandig ni Allen Durham, samtang ang Ginebra maglaum sa residente nilang import nga si Justin Browlees.

Unang matestingan si Durham ug ang Bolts sa dihang ilang sangkaon ang Magnolia sa pasiunang duwa sa ika-49 nga season sa liga.

Dili sab hinoon gihapon kakompiyansaan ang San Miguel Beer, matud pa ni Bobby Rosales sa Terrafirma kansang sentimento gidasonan ni Atty. Mamerto Mondragon sa Rain or Shine.

Angayan sab nga atngan ang kanhi NBA players nga sila si Glenn Robinson III sa Magnolia ug Ricky Ledo sa Blackwater.