2nd Bankal Chess Club rapid tourney kasado na

CEBU, Philippines — Andam na ang tanan alang sa 2nd Bankal Chess Club Rapid Tournament nga gikatakda karong Domingo, Agosto 18, didto sa Mercato de Mactan sa dalan Soong, Barangay Mactan, dakbayan sa Lapu-Lapu.

Magsugod ang mga duwa sa alas 9:30 sa buntag.

Ang walo ka hugna nga kompetisyon abli sa tanang mga magduduwa og ahedres nga rated 2000 paubos.

Ang makampiyon mobulsa og P4,000, samtang ang first runner-up makadawat og P3,000. Ang mopahiluna sa ikatulo hangtud sa ikalimang dapit mokubra og P1,500, P1,000, ug P700, samtang ang 6th ngadto sa 10th adunay P300 matag usa.

Duna say insentibo nga giandam alang sa top Bankal, senior, lady, ug kiddie U10 ug U12 players.

Ang rehistrasyon nagkantidad og P250 sa regular nga mga partisipante ug P150 sa mga club members, seniors, PWDs, ladies, kids 12 Under, ug Cepcans.

Alang sa dugang detalye, kadtong mga interesado mahimong mokontak ni Stephen Rosales sa 09054852026.